Të hënën, më 17 shkurt do të shënohet 12-vjetori i Pavarësisë së Kosovës. Qeveria ka planifikuar disa aktivitete të cilat do të shënojnë ditën e Pavarësisë. Megjithatë, në agjendën e festimeve vërehet se FSK’ja nuk do të parakalojë nëpër sheshet e kryeqytetit, siç kishte bërë vitin e kaluar

Festimet e këtij viti për ditën e Pavarësisë, nuk do ta gjejnë FSK’në në sheshet e Prishtinës. Megjithatë, Ushtria e Kosovës do të jetë pjesë e organizimeve.

Festimet për 12-vjetorin e Pavarësisë së Kosovës do të nisin nga mëngjesi, ku do të bëhet ngritja  e flamurit në oborrin e qeverisë.

Të pranishëm do të jenë Kryeministri i Kosovës, Albin Kurti dhe Presidenti Hashim Thaçi.

Me këtë rast, bendi i FSK’së do të intonojë himnin e Kosovës.

Tutje, dy udhëheqësit shtetërorë do të vendosin kurora lulesh tek kompleksi memorial “Adem Jashari” në Prekaz.

Kurora lulesh udhëheqësit shtetërorë do të vendosin edhe tek varri i ish-Presidentit Ibrahim Rugova dhe veprimtarit Adem Demaçi, tek varrezat në Velani të Prishtinës.

Në vazhdën e festimeve për nder të ditës së Pavarësisë, Kuvendi i Kosovës do të mbajë seancë solemne për nder të 12-vjetorit të Pavarësisë.

Në këtë seancë, përveç  pranishëm do të jenë përfaqësues të familjes Jashari, familjes Rugova.

Po ashtu, do të ketë edhe të ftuar ndërkombëtarë, të cilëve do të iu drejtohet kryetarja e Kuvendit, Vjosa Osmani.

Festimet për 12-vjetorin e Pavrësisë do të përmbyllen në katedralen “Nënë Tereza” në Prishtinë, ku do të bëhet pritje shtetërore nën patronatin e Presidentit të Kosovës, Hashim Thaçi.

Të pranishëm do të jenë udhëheqës të larte shtetërorë, të fruar vendorë dhe ndërkombëtarë.

Kjo është agjenda e plotë e festimeve për 17 Shkurt 2020:

12 vjetori i Shpalljes së Pavarësisë së Republikës së Kosovës

08:00
Ngritja Flamurit
(Të pranishë dy udhëheqësit shtetërorë dhe KOMFSK, Garda ceremoniale bën ngritjen e flamurit, intonohet himni nga bendi i FSK-së)
Vendi: Oborri i ZKM-së

09:10
Vendosje kurorash te kompleksi memorial Adem Jashari
(Vendosje kurorash nga dy udhëheqësit shtetërorë në Kompleksin Adem Jashari)
Vendi: Prekaz – Skenderaj

10:30
Vendosje kurorash te varri i ish – Presidentit Rugova
(Vendosje kurorash nga dy udhëheqësit shtetërorë pranë varrit të Presidentit Ibrahim Rugova)

10:40
Vendosje kurorash te varri i Veprimtarit Adem Demaçi
(Vendosje kurorash nga dy udhëheqësit shtetërorë te varri i veprimtarit Adem Demaçi)
Vendi: Varrezat në Velani – Prishtinë

11:00
Seanca solemne në Kuvendin e Kosovës
(Seancë solemne në Kuvendin e Republikës së Kosovës nën kujdesin e SH. S. Znj.Vjosa OSMANI Kryetare e Kuvendit të Republikës së Kosovës. Të pranishëm dy udhëheqësit shtetërorë, përfaqësues të Familjes Jashari, familjes Rugova, deputetë të këtij legjislacioni dhe të ftuar ndërkombëtarë e vendorë. Të pranishmëve iu drejtohet SH. S. Znj. Vjosa OSMANI)
Vendi: Kuvendi i Republikës së Kosovës

12:00
Vizitë në Forcën e Sigurisë se Kosovës
Trupave të FSK-së iu drejtohen me fjalë përshëndetëse SH.S. Znj. Vjosa OSMANI, kryetare e Kuvendit të Republikës së Kosovës dhe SH.T.Z Albin KURTI, Kryeministër i Republikës së Kosovës
Vendi: Kazerma “Adem Jashari”

18:00
Pritje shtetërore me rastin e 12 vjetorit të Shpalljes së Pavarësisë se Kosovës
(Pritje për 12 vjetorin e shpalljes së Pavarësisë së Republikës së Kosovës, nën kujdesin e
SH.T.Z Hashim THAÇI President i Republikës së Kosovës.
Të pranishëm udhëheqës të lartë shtetërorë, të ftuar vendorë dhe ndërkombëtarë.
Vendi: Bogdanipolis – Katedralja Shën NÊNË TEREZA